Қожа мен ашқарақ
1 мин оқу
Бір тойда ашқарақ біреу қомағайлана ішіп-жегенімен қоймай, қалтасына құрт пен ірімшікті сала береді, қасында отырған Қожа әлгінің қалтасына ыстық шай құйып жібереді.
Ашқарақ адамның тез ашуланатын әдеті емес пе?
—Бұ неткен бейбастық,—деп Қожаға дүрсе қоя береді.
Сонда Қожа байсалды пішінмен:
—Қалтаң құрт пен ірімшікті көп жеді, шөлдемесін деп құйғаным ғой,—депті.