Қалдырған (III түрі)

Жасымда болдым балдырған,
Айтысып сөзге қандырған.
Айналайын, халқым-ау,
Маңдайдан шырақ жандырған.
Мəжілісімді көркейтіп,
Мырзалар таңдап алдырған.
Сол балдырған кезімде,
Ғашықтық отын жандырған.
Бір сағатта өзгеріп,
Халқыма əнім жаңғырған.
Сөз сөйлесем жұртым-ай,
Сөзім жиі жаңбырдан.

Алпысқа келген мендей шал,
Алпысқа келген мендей шал,
Есін де білмей қаңғырған.
Құрбы-құрдас, замандас,
Іздеп кеп атын шалдырған,
Іздеп кеп атын шалдырған.
Шіркін, дүние, кең едің,
Қызығы қайтпас төбе едің,
Орта жүздің ішінде,
Əнші бұлбұл мен едім.

Сарыарқаны сайраңдап,
Сарыарқаны сайраңдап,
Тойдан сыбаға жеп едім.
Сарыарқаны сайраңдап,
Тойдан сыбаға жеп едім,

Тойдан сыбаға жеп едім,
Қартайған соң дүние-ай,
“Қайдасың, Ыбырай” демедің,
Қартайған соң, дүние-ай,
“Қайдасың Ыбырай” демедің,

Қара бура қартайса,
Қара бура қартайса,
Жар басына көшкен күн,
Ұстатпаған асаудай
Сырт айналып кеткен күн,
Сырт айналып кеткен күн,
Беремін, жастар батамды,
Сендерге тізгін көшкен күн,
Беремін жастар батамды,
Сендерге тізгін көшкен күн.

Кəрілер бесік тербетіп,
Кəрілер бесік тербетіп,
Жастар гүлдеп өскен күн,
Кəрілер бесік тербетіп,
Жастар гүлдеп өскен күн,
Жастар гүлдеп өскен күн.
Жасымда өстім қындай боп,
Төске соққан сымдай боп.
Болам деген ой бар ма,
Аппақ қу шұнақ қудай боп.

Алпысқа келдім азамат,
Алпысқа келдім азамат,
Шықпады-ау ешбір жаманат.
Алпысқа келдім азамат,

Шықпады-ау ешбір жаманат.
Шықпады-ау ешбір жаманат.
Қалдырғанды тапсырдым,
Сұраған саған аманат.
Қалдырғанды тапсырдым,
Сұраған саған аманат.