«Біссімілла сөз басы...»
Нұрым Шыршығұлұлы · 24 жол
Біссімілла сөз басы,
Көңілім, жырды қозғашы,
Адамның әдеп жолдасы.
Мұнымды жалған дей алмас
Ғазіреті ғалым молдасы.
Менің сөзім қиын-ды,
Түсінбеген адамның
Ренжір көңілі болмашы.
Он екі ата Байұлы
Сақыраның мен Нұрымы,
Су тағының құлыны,
Тайпалмас жүйрік жорғасы.
Жүргендер білмес саламат,
Дүние деген ғаламат.
Бір тамшы судан қан болып,
Анамыздың қарнында,
Бір қатар мезгіл өткенде,
Қимылдадың жан болып.
Жақұт, маржан секілді
Адамзаттың баласы
Дүниеге келді сән болып.
Өздеріңдей ағамен
Жолығысып отырмыз,
Бұйырған бірге дәм болып.