Ақанның Жүсіпке айтқаны
Ақан сері Қорамсаұлы · 1843–1913 · 12 жол
Тыңдасаң Ақан сері əнге салар,
Байқасаң бəрімізден дүние қалар.
Тірлікте шамаң келсе, ойна да күл,
Дүниеден өлмей тірі қай жан қалар?
Білесің өсиетін ата-бабаң,
Қараңдар кем-кетікке келсе шамаң.
Тірлікте мен болдым деп өте кетпе,
Бəрінен адамзатқа осы жаман.
Төрелер шиырады есіп мұртын,
Алмайды еш теңдікке елі-жұртын.
Əдейі тойға келіп қарамайсың,
Томпиған неге керек сенің сыртың?