Дулаттың Кенені тастап кетуі
Тарихи аңыздар · 1 мин оқу
Арқадан дулатқа Кене келіп, қырғызды шаппақ болып, ел жинайды. Сонда төрт дулаттың (шымыр, сыйқым, ботбай, жаныс) үшеуінен жігіт қосылады.
Екінші жорық болғанда,
Естіген дулат қалмады.
Дәндесін деп Кене хан,
Дулаттың аузын майлады.
Олжадан өзі алмады...
Екінші жорықтан кейін Кенеге жігіт бермеген ботбай көсемі Сыпатай батыр келіп сәлем береді. Кене оның сәлемін алмайды. Сыпатай үндемей шығып кетіп, төрт дулатты шақырып алып: «Мұның пейілі тар екен, ат төбеліндей қырғызды талаумен тынбай, ертең бізді талайды. Бұған ермеңдер. Абырой алмайсыңдар!»—депті. Ел Кенені тастап кетіпті.