Саудагерді алдауы
1 мин оқу
Бір саудагер жора-жолдастарымен келе жатып:
— Алдар жұрттың бәрін алдайды. Бірақ мені алдай алмайды, - деп мақтанды.
Осы кезде жолаушылар алдынан Алдар шыға келді. Саудагер әлгі айтқанын растамақ болып:
— Ей, Алдар Көсе, алдағыш болсаң, сен мені алдашы! - деді. Алдар Көсе:
— Әттеген-ай! Алдар қалтам үйде қалған еді. Аты- ңызды бере тұрыңыз. Қалтамды дереу алып келейін. Қалай алдайтынымды сонда көрерсіз, - дейді.
— Жарайды, қалтаңды тез алып келе ғой!
- деп, саудагер түсіп атын берді. Алдар атқа мініп жөнеп кетті.
Саудагер Алдарды кешке шейін күтеді. Келмеді. Достары саудагерді:
— Міне, Алдар өзінді жер соқтырған жоқ па?! - деп мазақтап күледі.