Алты жігітті алдауы
1 мин оқу
Алты жігіт Алдар Көсені катырып алдамақ болып, оны өзенге ертіп барады. Сосын бірі тұрып:
— Алдеке, қазір бәріміз суға түсіп, түбінен бір- бір жұмыртқа алып шығайық, - деседі. Олар өздері Алдарға көрсетпей бір-бір жұмыртқадан ала келген еді.
— Ал, түссек түсейік, - дейді Алдар. Бәрі суга сүңгіп-сүңгіп шығып:
— Мінекей, біз жұмыртқа алып шықтық. Ал сіз ше? - деп алақандарындагы жұмыртқаларын көрсетеді. Осы кезде Алдар:
— Ку-ка-ре-ку! - деп әтеш болып айқайлайды.
— Алдеке, мұныңыз не? - деп сұрайды алты жігіт. Сонда Алдар Көсе айтыпты:
— Ау, алты мекиенге бір қораз керек емес пе?