Алданған деген осы болады
1 мин оқу
Қожаның бала кезінде бір қиқар мінезді құрбысы болса керек. Ол екі сөзінің бірінде:
—Мені алдай алатын адам жоқ,—деп мақтана береді екен. Құрбысының жатқанды сезін естіп әбден мезі болған Қожа бірде оған:
Осы арада тұра тұр, мен сені алдайтын амал тауып келейін,— деп зытып жөнеледі. Қиқар бала тосып тұра береді. Бір кезде жанынан өтіп бара жатқан бір бала одан:
—Ей, неғып қалшиып тұрсың,—деп сұрайды. Қиқар Қожаны күтіп тұрғанын айтады.
Сонда ана бала күліп:
—Ол сені алдап кеткен екен ғой. Алданған деген осы болады,—депті.