Тағы да Жасболатқа
Әсет Найманбайұлы · 1867–1923 · 12 жол
Біз бардық бірдің айы туған кезде,
Барлықтан орын таппай одан өзге.
Кісінің әншейінде бәрі ақылды,
Көрінді зеректігі биыл көзге.
Үй басына бір қара шығын емес,
Осы еңбегі білінбес қайбір езге.
Баж бердім деп соған да қайғыланар
Саф алтынды санайды сары жезге.
Өзіміз он қарадан қысқа бердік,
Кезігіп қыс қаһары қиын кезге
Жақсылардан болады бір мархаббат,
Деуші еді ақылдыдан күдер үзбе.