Жүз қырық, жүз қырық
1 мин оқу
Біреудің соғымға сойылғалы отырған ту сиыры жоғалып кетіпті. Іздеп жүріп иесі жемтігінің үстіне түсіпті. Үйіне келгенде әйелі:
—Сиыр табылды ма?—дегенде, ері:
—Сиырды қасқыр қатырыпты, жемтігінде көп құс қонақ болып жатыпты, мені көрген соң қарға-құзғын:
—«Жүз қырық, жүз қырық» деп баға кесіп еді. Сауысқан: «әттеген-ай, асырып айттың, жоқ болмайды» деп быжалақ қақты, олардың көңілін қимай «қалғанын сендер жеп-ақ той, пәленбай енді басқадан соғым тауып сой»,—деп жүріп кеттім,— депті.