Қазы, Мәмек батырлар
Тарихи аңыздар · 1 мин оқу
Қазы, Мәмектердің ауылдарын қартайған шағында қырғыздың шонжарлары шауып, тонап, мал-жанын айдап алып кетеді. Бұл туралы Абылай ханға хабар жеткенде, хан хабаршыға:
– Қазы келсе менімен аттан түспей-ақ әңгімелесе берсін, - дейді.
Мұны естіген Қазы жолдастарымен арнайы келгенде Абылай хан алдынан күтіп алып:
– Байеке, сабырлық танытайық, Мәмек батыр «Көк Құс» (бұл Мәмек батырдың шыдамсыз тыз етпе мінезіне байланысты айтылған теңеу болу керек - А.Д.) қой шыдамас, қазір аттар арық, мал тойынсын, жағдай зерттелсін, есеңіз қайырылады, - дейді қарттармен қоштасып тұрып. Қарт Мәмек батыр ұзамай құсадан өледі. Абылай хан уәдесінде тұрып айтқан уақытында жасақтарымен қырғыз шонжарларын шауып, Қазы, Мәмек ауылдарының мал-жанын қайтарады. Бірақ жау қолында Мәмектің тоқалы қалып қояды.