Жауқашарға
Үмбетей жырау · 16 жол
Бұрала біткен емендей
Қисық туған адамсың.
Бұл мінез, бұл қылықпен
Қайдан абырой табарсың?!
Ындыны жаман жетеуің
Қашты әне жалт беріп,
Қалған мына екеуін
Қолыңа ал ант беріп.
Жол атаң «енем баласы»
Жатырқауды білмейді,
Ортайса да шарасы,
Арамдыққа жүрмейді.
Кісіні көрсең, есікке
Жүгіре шық, кешікпе.
Қарсы алмасаң мейманды,
Кесір болар несіпке!