«Сайыста талай жеңдік бел тірескен...»
Балуан Шолақ · 1864–1919 · 12 жол
Сайыста талай жеңдік бел тірескен,
Не таптық даурықпа сөз ерегістен.
Қолдағы қата жұмсап құралымды,
Шатасып оязнайға ісім түскен.
Үстем тап айғайына аттан қостық,
Деп ойлап қосылмасақ, болар бостық.
Орыстан қазақ жерін қорғаймыз деп,
Көшпелі мұжықтардың жолын тостық.
Надандық – енді ойласақ мұның бəрі,
Бізден де зор олардың көрген зары.
Дұшпанның айдап салған тіліне еріп,
Сол ісімнен не пайда таптым кəні?..