«Не шығар жемқор, топас болыстардан...»
Балуан Шолақ · 1864–1919 · 16 жол
...Не шығар жемқор, топас болыстардан,
Танысып кəсіпке үйрен орыстардан.
Қала сал, еңбек етіп, балаңды оқыт,
Ел болып салтанатты қоныстанған.
Аман бол, Шапырашты, Албан, Дулат,
Дертіме шипа болдың жүргенде улап.
Жалайыр, Қаңлы, Ошақты, жалпы Үйсінді,
Аралап сайрандадым аунап-қунап.
Мəуелі естен кетпес Алатауым,
Қош боп тұр көріскенше, жалпы қауым.
Жеріне жастай барып өскен елдің,
Мен қайттым білейін деп есен-сауын.
Мақсатым – қайта оралу Жетісуға,
Саяңда көңілім толған шаттық нұрға.
Шырқаған асқақтатып əн мен өлең –
Тартуым кейін қалған ұрпақтарға.