Тазы мәсіні үйге әкелді ме?
1 мин оқу
Қожанасыр қой бағып жүріп бір күні қайта-қайта түлкі көреді. Ертесіне тазы жетектеп барса, күнде мал аралап жүретін түлкі зым-зия. Қой соңында жүріп шаршаған соң кішкене көз іліндіріп алайын деп тазыны аяғына байлап, ұйықтап кетіпті. Оянса тазы да жоқ, аяғындағы мәсі де жоқ екен.
Сасқаннан үйіне жүгіріп келіп:
—Бәйбіше, бәйбіше, тазы мәсіні үйге әкелді ме?—депті.