Әудем жер
Ақан сері Қорамсаұлы · 1843–1913 · 20 жол
Əудем жер жүре алмаймын аяғымнан,
Ұстаймын екі қолдап таяғымнан.
Сайраған орта жүздің бұлбұлы едім,
Кəрілік келіп қалды қай жағымнан?..
Қайырмасы:
Сəулем-а-а-ай, уаһ-а-һау,
Қай жағымнан,
Шіркін-ау, қай жағымнан?
Қал-ла-ли-ла-ау,
Қалала, лалалу-ей, еһейə ей-ей-ау.
Əудем жер жүре алмаймын белім ұйып,
Кім тілер кəрілікті жанын қиып?
Тиынды біреу берген олжа көріп,
Жүремін жас кісідей дүние жиып.
Қайырмасы.
Сəулем-а-а-ай, уаһ-а-һау,
Қай жағымнан,
Шіркін-ау, қай жағымнан?
Қал-ла-ли-ла-ау,
Қалала, лалалу-ей, еһейə ей-ей-ау.