«Қар жауар күн-түн оның қабағынан...»
Абыл Тілеуұлы · 12 жол
Қар жауар күн-түн оның қабағынан,
Жалбырар байтабасы балағынан.
Көк шұнақ лағы өлсе көгенінен,
Сол күні ас өтпейді тамағынан
Тоқты өлсе қыңыр төбел көгенінен
Ойлайды азаяр деп жегенінен,
Ол жігіт отын алар, ошақ қазар,
Шықпайды қатынының дегенінен.
Ол жігіт отын алар, ошақ қазар,
Отырып от басында болар мазар.
Сөйлесіп азаматпен ақыл қоспас,
Сөйлесіп қатынымен дертін жазар.