Әкенің көңілі балада
1 мин оқу
Далада оқу оқитын баласының аман-саулығын біле келген қария:
—Балам, көрдің бе, жұрт, әне аялдамада да қағаз жазып отыр. Сен ақша керек болып қалғанда болмаса, «қол тимейді» деп амандығыңды да білдірмейсің. Бәрінен де бұрын салған ақшаны алған-алмағаныңды біле алмай дал боламыз.
—Әке, сол алған ақшаң өзіңе қайтып бармады-ақ, мені аман екен деп санай бер,—деді баласы.
Әке басын шайқап:
—«Әкенің көңілі балада, баланың көңілі далада» деген осы екен,—деді.