Қойсары батырдың жолбарыс соғуы
Тарихи аңыздар · 1 мин оқу
Қойсарының Сатан деген туған інісі бір күні ағасына бір құлынды жолбарыстың жеп кеткендігін айтады. Келесі күні Сатан тағы бір биені жолбарыс жарып өлтіргендігін хабарлайды. Сонда ғана Қойсары батыр: «Әй, сендер бір мысықтан өлердей қорқып болдыңдар-ау!»—депті де, иығына шапанын жамылып әлгі бие өлген жерге қарай жүріп кетіпті. Сәл уақыттан соң Сатан жаңағы ағасы кеткен жаққа барса, батыр жолбарыстың жағын қарыс айырып өлтіріп тастапты. «Күш атасын танымас» деген осы шығар.