Хан жазасы
1 мин оқу
Бір күні Қожа ханның үстіне кіріп барады. Хан біреуді тергеп, кінәлап, жазалағалы отыр екен. Қожа әңгімені тыңдап біраз отырады. Хан жендетіне:
– Мынаның басын ал! - деп бұйырады. Жендет отырған адамды сүйрей жөнеледі.
Қожаның дәті шыдамай ханнан:
– Тақсыр, бұл адамның жазығы не? - деп сұрайды.
– Айыбы үлкен, кешірілмейтін айып!
– Сонда қандай?
– Мен бұған бір жасырын сыр айтқан едім. Соны бұл басқаға айтып, жариялап жіберді.
– Сыр шашқан адамның жазасы өлім бе?
– Иә, өлім!
– Олай болса, хан ием, алдымен сізді өлтіру керек.
– Неге?
– Сырды алдымен сіз оған өзіңіз шаштыңыз ғой...