Қожа болысқа айтқаны
Мұрат Мөңкеұлы · 1843–1906 · 10 жол
Әкеңіз бізге мәлім Құлбас еді,
Тыпырлап қолды-аяққа тұрмас еді.
Темекі көк дәрімен қосып сатып,
Болғанда көк жұмырқұрт тынбас еді.
Тарттың да нағашыңа адам болдың,
Сендей ұл Қашқыншыдан тумас еді.
Тартамын домбыраны қызыл күйлеп,
Қара Қожа хәкім болдың жұртты билеп,
Қашқыншы бес Қойыстың азығы едің,
Көп қойың бір шығарды қырға сүйреп.