Батырларды жоқтауы
Абыл Тілеуұлы · 18 жол
Мырзатай өлерінде налып өлді,
Қылышын қия жауға салып өлді.
Өлсе де Мырзатайдың арманы жоқ,
Жастығын өлерінде алып өлді.
Мырзатай өлерінде өрлеп өлді,
Қылышын ит дұшпанға сермеп өлді.
Мырзатай кім-кімнен де батыр еді,
Тіріде жауға намыс бермеп еді.
Бұл жаудан жақсы да өлді, жаман да өлді,
Мырзатай, Дулатұлы Қабан да өлді.
Тигесін ажал оғы, амал бар ма,
Маңдайын еш аудармай, табанда өлді.
Жау шапты, көрген жан көп көзіменен,
Ер өлді Бүркітəлі, Кежіменен.
Біз пенде алай-былай десек-дағы,
Алладан ажал жетті кезіменен.
Көп Адай жауға аттанды білісімен,
Жанақтан Жанкел өлді інісімен...