Ағыбай батыр
Тарихи аңыздар · 1 мин оқу
Ағыбай ауырып Шұнақ деген жерде кіші бәйбішесі Шүкіжанның қолында болады. Баласы Сүбі елге хабар қылғызып: «Батыр ауру, кейін айтысам» дейді деп ел жиналып отырғанда, шұбыртпалы Кенесарының түрлі қиын соғысында найза қарумен болған Бектемір молла батырдан сұраған: «Я, батыр Ағыке, бізге кейін сөйлеп жүрелік сөз қалдырыңыз, қандай арманмен кетіп барасыз?»—дегенде: «Иә, Бектемір, менде екі арман бар: біреуі бұл сексен үшке келерімді білсем, баса қимылдар едім, екіншісі, тіршілігімізде Көкбестінің басын жіберіп бір шаппадым, құланға енесі шатысып туған еді»,—депті.