«Аққала!»

Білім беру саласы: Шығармашылық,қатынас,таным.

Ұйымдастырылған оқу қызметі: Сурет салу.

Тақырыбы: Аққала.

Мақсаты: Жыл мезгілдеріне тән ерекшеліктерді түсіндіру.

Аққаланың суретін салу үшін түстерді дұрыс таңдауға,дәстүрден тыс сурет салуға үйрету.

Еңбексүйгіштікке ,ұқыптылыққа тәрбиелеу.

Көрнекілігі: сиқырлы тақта,видео,қылқалам,тұғыр,күріш,тұз,желім,мұз,қар,лупа.

Әдіс-тәсілі: түсіндіру,көрсету,сұрақ-жауап,ойын.

Билингвалдық компонент: қыс-зима, қар-снег,аққала-снеговик

Өтілу барысы:

-Балалар,орнымыздан тұрып,бізге қонаққа келіп отырған апайлармен амандасып алайық!

Сәлеметсіздер ме!

Здраствуйте!

Good moning!

-Жарайсыңдар, орындарыңа отыра қойыңдар.

-Балалар,бүгінгі өтілетін  ашық ұйымдастырылған оқу қызметіміз, біз өзіміз жақсы көретін аққала туралы болмақ.

Тақырыбы: «Аққала» деп аталады.

-Олай болса,барлығымыз назарымызды сиқырлы экранға аударайық.

Кешегі күнгі серуенді есімізге түсірейік. (Слайд арқылы көрсету)

Билингвалдық компонент: қыс-зима, қар-снег,аққала-снеговик

Аққаланы жасау жолдарын түсіндіру.

Ғажайып сәт:

(Осы сәтте топқа Аққала  кіріп кіреді.)

  Аққала:

Мен Аққала,Аққала,

Келіп қалдым бақшаға.

Екі көзім қап-қара,

Білгің келсе сен қара!

-Ой,сәлеметсіңдер ме,балалар?!

-Сәлеметсізбе,Аққала?!

-Сендер мені таныдыңдар ма?

-Иә,сен Аққаласың

Аққала: -Кеше сендер мені жасап,ойнап болып кетіп қалғаннан кейін,мен жалғыз өзім қатты қорықтым,балалар мен сендерден көмек сұрап келдім.Сендер маған көмектесесіңдер ма?

Балалар: -Әрине,сен қорықпа,біз саған көп достар жасап береміз.

Тәрбиеші:

-Ендеше ,балалар,біз аққалаға достар жасап беру үшін,қазір  текшелер арқылы үш орталыққа бөлінеміз.

Өнер орталығы:

Қағаз бетіндегі аққаланың бейнесіне тұзды себе отырып,дәстүрден тыс аққаланың суретін саламыз.

Үстел-үсті орталығында:

Қалдық материалдармен,күрішті пайдаланып аққаланы жасаймыз.

Зерттеу орталығында:

Судың қасиеттерін зерттейміз.

Балалар орталықтарға бөлініп жұмыс жасайды.

Тәрбиеші шылдырмақты қағу арқылы балаларды ортаға шақырады.

Сергіту сәті: «Аққала» (Музыка арқылы қимылдар жасайды.)

Балалар орталықтарға ауысым жасайды.

Тәрбиеші шылдырмақты қағу арқылы балаларды ортаға шақырады.

(Балалар орталықтағы жасаған жұмыстарын айтады.)

Ойын: «Аққала»

Балалар сұрақтарға жауап беру арқылы аққаланы құрастырады.

Тәрбиеші: —Аққала,саған біздің оқу қызметіміз ұнап жатыр ма?

Аққала: -Әрине,маған сендермен болған өте ұнайды.Бірақ,сендердің топтарың жылы екен,мен еріп кетемін бе?-деп қорқып тұрмын.Менің тезірек салқын жерге шығуым керек.

Аққала дайын болған сыйлықтарды алып,балаларға рахметін айтып,қоштасып шығып кетеді.

Тәрбиеші:

-Жарайсыңдар,балалар!

Бүгінгі оқу-қызметіне бәрің белсене қатыстыңдар!Сендерге көп-көп рахмет!

-Сендерге бүгінгі оқу –қызметі  ұнады ма?

-Көңіл-күйлерің қалай? Қане,көрсетейікші.

Ендеше,балалар, үнемі осындай көңіл-күйде жүрулеріңе тілектеспін!

Смайлик таратылады.Балалар келген қонақтармен қоштасады.