Зияштың орысша сөйлегені
1 мин оқу
Рахматолланың келіншегі де оқыған, орта білімі бар адам. Амал не, орыс тілін мейлінше бұрмалап, өңін айналдыратын еді.
—Бірде сол үйде болдым,—деді Зияш дейтін қызметтес жолдасы.—Екі баласы бар еді. Шай ішіп отырғанымызда солар орнығып отырмады, мамасының мазасын кетірді. Сонда мамасы: «Сидался будешь или нет?!»—деп ұрысты балаларына. Сол мезгілде есіктен почтальон кіріп келіп, үй иесі әйелдің фамилиясын атап, телеграмма ұсынды: «Эта вам?»—деді ол. Сонда Рахматолланың келіншегі: «Да, вам!»—деп жауап қатты. Тіпті, бір емес екі рет сұрағанда да осылай деп қайталады. Почтальон мырс етіп күлді де, телеграмманы ырғытып тастап, шығып кетті.