Бабай прапал
1 мин оқу
Ақмола қаласында көптеген өзбек семьялары мекендеп келді. Солардың ішінде Шатыршин дейтін қарт болды. Ол ауқатты адам еді, басқа өзбектер оны ерекше құрметтейтін «Шатыршын бабай» деп атайтын-ды.
Сол қарт қайтыс болды. Қаладағы өзбектер жиналып, Ташкенттегі туған-туысқандарына телеграф арқылы хабарлауға ұйғарды. Телеграмма тексті бірнеше түрде жасалды: «Шатыршын бабай померля», «погиб», «здох» деген жобалар ұсынылды.
Жиналғандар бұларды әржақты талқылады, бірде-бірін қабылдамады. Ақырында орыс купецтеріне қызмет етіп жүрген, орыс тіліне жетік бір жігіттің ұсынысы ұнады: «Ташкентке. Шатыршын бабай прапал» деп телеграмма соғылды.