Саңырауға сәлем берсең
1 мин оқу
Бір үйдегі үш адамның үшеуі де саңырау екен. Бір күні сырттан келген шалына кемпірі шайын демдеп қоя бастапты. Шалы отырып:
—Әлгі жаман бұзаудың жабуы түсіп қалған жоқ па?—депті мал жайын білгісі келіп.
Сонда кемпір:
—Осы әкеңе жақпай‑ақ қойдым. Суық берсем «суық», ыстық берсем «ыстық»,— дейді қызына. Қызы:
—Мен бай таңдап отырғам жоқ, итке берсең итке, құсқа берсең құсқа кетейін деп отырмын,—депті шешесіне.
«Бас‑басыңа сөйлейтін саңыраумысың» деген тәмсіл осыдан қалса керек.