Оқымысты
1 мин оқу
Хат танымайтын бөспе біреу өзін оқымысты көрсету үшін жүктің үстінде тұрған газетті ала салып, аударып-төңкеріп қарапты да:
—Па, болатын жерінде болып жатыр екен ғой!—депті. Сонда қасында отырған бала:
—Ой, аға, әкем газеттің мына үлкен жазуы бар жағын жоғары қаратып оқушы еді, сіз төмен қаратып оқығаныңыз қалай?—дегенде:
—Қарағым-ау, білген адамға бас-аяғы бірдей емес пе,—депті шімірікпестен.