Майқы би
Тарихи аңыздар · 1 мин оқу
Шыңғысты жиырма жеті жасында Шүршіт ортасында хан сайлап таққа отырғызғанда әр жұрттан билер жинап, көп ынтымағымен қойған екен. Сонда Майқы би арбасын жаяу кісілерге тартқызып барыпты.
—Сендер төрт аяқты айуанға мініп келдіңдер, мына мен өмірімде айуан мініп көргенім жоқ, бәріңнен артығым осы,—деп Төбе би болған деседі.
«Түгел сөздің түбі бір, түп атасы Майқы би» атанған Майқы—осы.