Тұзбен ойнаймыз - шынығамыз

Ашық көрсетілім (Ата-анамен  бірлескен жұмыс).

Тақырыбы:  "Тұзбен ойнаймыз - шынығамыз"

          Міндеті: Балаларды ересектермен бірге мазмұнды қарапайым ойындар ойнауға ынталандыру. Балалардың ойындарға қызығушылығын дамытуға ықпал ету, шынықтыру шараларын орындауға үйрету.  Ойындар кезінде жағымды көңіл-күй қалыптастыру. Ересектің бақылауымен ойын әрекеттерін орындауға   өз бетінше ықылас танытуға үйрету.  Балалардың ойын әрекетіне ата-аналар қауымдастығын  тарту.

          Қажетті құрал-жабдықтар: Түрлі-түсті ойыншық машиналар, тырма күрек,түрлі-түсті ойыншық доптар, түрлі түсті шарлар, түсті қағаздар, әр-түрлі геометриялық сақиналар.

Әдіс - тәсілдері: Әңгімелесу, көрсету, ойын сұрақ-жауап.

Барысы:

Балалар,  бүгін сендердің аналарың бүгін қонаққа келді. Бізбен бірге тұзды шахтада ойындар ойнайды.

• Балалар қане маған назар аударыңдаршы? Біз өзіміздің жақсы көретін "Топ-топ"  әнін  айтайықшы.
• Жарайсыңдар балалар.
• Балалар енді сендермен бірге көңілді піл ойынын ойнаймыз.

№ 1 Ойын тапсырма

Тақырыбы: "Көңілді піл"

Шарты: Балалардың көз деңгейінде орналасқан пілдің макетіне балалар геометриялық пішіндерден жасалған сақиналарды лақтыру арқылы орналастырады.

• Жарайсыңдар балалар, енді жүк көлігі ойыншықтарымен ойындар ойнаймыз.

№2 ойын тапсырма.

Тақырыбы: "Түрлі-түсті камаздар"

Шарты: Балалар жүк көлігімен жануарларды тасымалдайды. Оларға баспана құрастырып, тұздан төмпешіктер жасап ойнайды. Балаларға сұрақ қоямын. Қандай жануарларды тасымалдап бара жатырсың. Күрегіңнің түсі қандай?

• Балалар осы тұзды бөлмеде еркін дұрыс тыныс алуымыз керек. Себебі тұзды бөлменің пайдасы өте көп.

Қанекей дұрыс тыныс алайықшы?  1,2,3

Жарайсыңдар,   балалар  керемет жасадыңдар

№ 3 ойын тапсырма

Тақырыбы: "Шармен ойын" Ата-аналармен бірлескен жұмыс.

Шарты: Ата-аналар түрлі-түсті шарларды үрлеп қағаз қиындыларын пайдаланып балаларға арнап ойыншықтар жасайды. (Балапан, тасбақа).

Ата - аналар сіздердің ойыншықтарыңыз өте әдемі шықты. Жарайсыздар енді ойыншықтарды балаларға ұсына қойыңыздар.

Енді тобымызға қайтамыз. Сіздерге көп-көп рахмет.