Көкек
Біржан сал Қожағұлұлы · 1834–1897 · 16 жол
Аты жоқ құс болады көкек деген,
Алдында терезенің секектеген.
Ойымда үш ұйықтасам бар ма менің,
Айрылып сені, сәулем кетед деген.
Қайырмасы:
Ей, ат жоқ көкек, бей, ат жоқ көкек!
Кім сүймес шешек атқан көкек айын,
Бейне жаз, менің сүйген сәулетайым.
Ақ қалқам отыр ма екен, жатыр ма екен,
Ей, көкек, ұшып барып білші жайын!
Қайырмасы:
Шекеңе селдіретіп айдар тағып,
Көкек – деп бос жүргенше секең қагып,
Қосайын өле-өлгенше мен әніме,
Қалқадан хабар әкел ұшып барып.
Қайырмасы.