Дөңгелек күн

Амирова Маншук.Зинелгабитқызы

Мақсаты: Балаларды дөңгелек пішінмен таныстыру.Қызыл,көк,сары түстермен таныстыруды жалғастыру,ауызекі сөйлесу тілдерін дамыту.Монтессори элементтерін пайдалана отырып,саусақ ұштарының моторикасын дамыту.Ойынға белсенділігі мен қызығушылығын арттыру.Табиғатты аялауға тәрбиелеу.

Көрнекіліктер: әртүрлі  түсті шеңберлер (қызыл,көк,сары),дөңгелек пішінге ұқсас заттардың суреті,әр балаға әртүрлі түсті гүлдер жапсырылған тақтайшалар.

Әдіс-тәсілдер: түсіндіру,көрсету,сұрақ-жауаптар.

Ойындық жағдаят.

-Балалар қараңдаршы сендерге қонаққа ит келді,оның есімі Құтжол.Балалар Құтжолменамандасайық.

Балалар итпен амандасып,оны сипалайды.

-Ол өзімен бірге әртүрлі түсті дөңгелектер ала келіпті,бірақ олардың түстерін білмейді екен.

-Қараңдаршы,мынау дөңгелек.

Сөздік жұмыс: дөңгелек.

Балалар қайталайды:дөңгелек.

-Дөңгелектердің түсі қандай?

-Қызыл,көк,сары.

Тәрбиеші дөңгелектің шеттерін саусақпен жүргізіп көрсетеді,олар тегіс бұрыштары жоқ.

Балалар дөңгелектерді қарап,шеттерін саусақтарымен жүргізіп шығады.

-Ал мынадай пішіні дөңгелек не болуы мүмкін?

Тәрбиеші балаларға күннің суретін көрсетіп тақпақ оқиды:

Шықты күнім аспанға

Сондай таза,сәулелі

Жетсе егер қолымыз,

Даярмыз аялап ұстауға.

-Кәне,балалар,күнімізге күліп қол бұлғайық.

-Балалар,қараңдаршы,күннің пішіні қандай?

-Дөңгелек

-Күннің түсі қандай?

-Сары түсті.

Тәрбиеші алма,доп,шардың суреттерін көрсетіп пішінін және түстерін сұрайды.

Балалардың жауаптары:

-Дөңгелек

-Алманың түсі қызыл.

-Балалар,ал гүлдердің ортасы ше?

-Құтжол,сен гүлдерді жақсы көресің бе?

-Ендеше,біздің саған сыйлығымыз бар.

Сергіту сәті:   

-Ал енді,балалар,орындықтардың қасына тұра қалыңдар.

«Шалғын гүлдері» дидактикалық ойыны.   

Тәрбиеші әртүрлі түсті гүлдер жапсырылған тақтайшаны көрсетіп:

-Балалар қараңдаршы жел соғып,гүлдердің орталарын ұшырып араластырып жіберіпті.Әрбір гүлдің ортасына қақпақты бұрап орналастырамыз.

-Қақпақтың пішіні қандай?

-Сары қақпақты сары гүлге бұраймыз.

Балалар гүлдің түсіндей қақпақты ортасына бұрап орналастырады.

-Қараңдаршы,гүлдеріміз қандай әдемі.

Құтжол, біз саған гүлдерді сыйлыққа тарту етеміз.

Балалар Құтжолмен қоштасады.

Қорытынды:    

Жарайсыңдар,балалар!

Гүлдеріміз тамаша болды.