Үштілділік – жаһандану заманының талабы

Үштілділік жаһандану заманының талабы

 

Көптілді білім беру идеясын алғаш рет еліміздің тұңғыш Президенті «Жаңа әлемдегі жаңа Қазақстан» жолдауында білдірген болатын, 2007 жылдың шілдесінде мемлекеттік деңгейде қабылданған «Қазақстан Республикасындағы тілдердің үштұғырлығы» мәдени жобасын кезең-кезеңімен іске асыру ұсынылды.

 

Тұңғыш Президенттің жолдауында: «халық ұрпақ тәрбиесіне, оның денсаулығына, білімі мен дүниетанымына қамқорлық жасай отырып, дана болады … қазақ, орыс және ағылшын тілдерін бірдей жақсы білетін болады… Ол өз елінің патриоты, бүкіл әлемге танымал және құрметті болады» делінген. Сонымен қатар, Қазақстан үштілділік саясатын дамытуға тиіс екенін мәлімдеді: «Біз үштілділікті дамыту бойынша белсенді шаралар қабылдап жатырмыз, — деп бастады Назарбаев. Орыс тілін білу қазақ ұлтының тарихи артықшылығы екенін, оның әлемдік мәдениет пен әлемдік ғылымға шығуын қамтамасыз еткенін атап өтті. Сонымен қатар, президент әрбір қазақстандық үшін өмірде жаңа шексіз мүмкіндіктер ашуға қабілетті ағылшын тілін үйренуде сапалы «серпіліс» қажет екенін атап өтті.

 

Осылайша, үштілділік қазіргі қоғамның үстемдігі ретінде тарихи тамырларға ие және болашаққа көпір болып табылады. Қазақстан дамуының қазіргі кезеңінде аталған тұжырымдама көп мәдениетті білім беру кеңістігінің ерекшелігін және мемлекеттің тіл саясатының жаңа форматын айқындайды, халықтың зияткерлік-шығармашылық әлеуетін жандандыруға, жеке тұлғаның халықаралық кеңістікке интеграциялануына бағдар береді.

 

Сайып келгенде, тіл – бұл ұлттық мемлекеттің өзегі. Сондықтан тіл мәселесі тек мәдени ғана емес, сонымен бірге саяси мәселе болып табылады. Қазіргі заманғы қазақстандық үшін үш тілді меңгеру — міндетті шарт және қажеттілік. Ағылшын тілін білместен әлемдік қоғамдастыққа интеграцияны жүзеге асыру қиын, өйткені бұл тіл бизнес ортада да, күнделікті қарым-қатынаста да, білім саласында да ақпаратты берудің ғаламдық тілі болып табылады. Үштілділік – заман талабы. Тілдерді меңгеру өмір жолында табыс кепілінің бірі болып табылады, бір саты жоғары көтерілуге, қарым-қатынастың неғұрлым кең кеңістігін қамтуға, мәдениеттің ұлттық ерекшеліктерімен танысуға мүмкіндік береді. Бірнеше тілді білу біздің өмірімізді нәрлендіреді әрі өзгертеді. Бұл біздің бүкіл өміріміз салынған іргетастың маңызды кірпіштерінің бірі. Қазіргі әлемде шет тілін білу өте сәнді болып табылады. Егер сіз бірнеше тілде еркін сөйлесетін болсаңыз, бұл сіздің өмірлік көзқарасыңызды арттырады, Әрине, тіл үйрену оңай шаруа емес. Алайда, болашаққа деген сеніміңізді арттырады. Қазіргі таңда бәрі мүмкін, бастысы – өзіне деген сенімділік және күш-жігер қажет. Ағылшын тілінде мынадай жақсы мақал бар: «When there is a will, there is a way». (Тілек бар жерде мүмкіндіктер де бар»). Тілдерді білу бізге сенімді болашақ құруға мүмкіндік береді. Біз бүгін өз ертеңімізді құрып жатырмыз.

 

 

Махметова Жадыра Есенгельдыевна

Қ.Шайменов атындағы ЖОББМ

ағылшын тілі пәні мұғалімі

 

Вам может также понравиться...

Добавить комментарий

Ваш адрес email не будет опубликован. Обязательные поля помечены *