Ұстаз - ұлы есім

Искакова Шаттық Булатовна

Ұстаз – әр адамның өмірінде маңызды рөл атқаратын, білім мен тәрбие беретін жан. Ұстаздың еңбегі тек қана сабақ беру мен білім үйретумен шектелмейді, ол шәкіртінің өмірлік жолын, көзқарасын қалыптастыратын тұлға.

Ұстаздар адамзат тарихында әрқашан құрмет пен сыйластыққа ие болған. Себебі олар білім арқылы қоғамды дамытады, болашақ ұрпақтың санасына жақсы құндылықтарды сіңіреді. Мектеп қабырғасынан бастап, жоғары оқу орындарында, кәсіби мамандықтарға дайындау кезеңдерінде де ұстаздың ықпалы ерекше. Олар тек теориялық білім ғана емес, тәжірибелік машықтарды да үйретеді.

Ұстаздың беделі оның өз ісіне деген адалдығы, шәкірттеріне деген махаббаты және қоғам алдындағы жауапкершілігімен өлшенеді. Әрбір ұстаз өз оқушыларының жан-дүниесіне үңіліп, олардың ерекшеліктерін түсінуге тырысады. Ол әрбір баланың дарындылығын ашуға, олардың бойындағы қабілеттерін дамытуға көмектеседі.

Бүгінгі заман талабына сай ұстаздар тек білім беріп қана қоймай, оқушылардың өз бетімен ойлауына, шығармашылық қабілеттерін дамытуға, заман ағымына сай технологияларды меңгеруге баулиды. Бұл олардың заман талабына сай білім беру жүйесінің үздіксіз жаңғыруына және заманауи талаптарға сай болуына септігін тигізеді.

Ұстаз болу – үлкен жауапкершілік. Өйткені ұстаздың қолында болашақ ұрпақтың тағдыры жатыр. Әрбір ұстаздың еңбегі ел болашағының жарқын болуы үшін маңызды.