Түстер әлемі

Мақсаты: Балаларға негізгі түстерді топтастыруға үйрету: қызыл, көк, жасыл. Сары түспен таныстыру.Балалардың коммуникативтік- ақпараттық құзіреттілігін молайтып, ой- түйсігін, қиялын дамыту. Сенсорлық ойлау қабілетін дамыту.

Сөздік жұмыс: Қызыл, жасыл, көк, сары.

Дидактикалық құралдар: Түрлі- түсті қақпақтар,әр түрлі дөңгелектер.

Блингвистикалық компонеті: Қызыл - красный, көк – синий,сары - желтый, жасыл– зеленый.

Сәлеметсіңдер ме балалар!

-Көңіл күйлерің қалай?

Шаттық шеңбері

Табиғат –біздің анамыз,

Табиғатқа баламыз.

Иіліп сәлем береміз,

Біз әдепті баламыз.

Сұрақ-жауап.

-Қазір жылдың қай мезгілі?

-Көктем мезгілінің айлары қандай?

-Табиғатта қандай ерекшеліктер болады?

Жарайсыңдар балалар. Көктем туралы тақпақ білемізбе?

Баланың оқу-қызметіне  кірісуіне түрткі болу:

Түстерді қайталау.(мултимедиа арқылы) Сары түспен таныстыру.

-Балалар бұл ненің суреті?

Дұрыс айтасыңдар күн. Күннің түсі қандай?                                                                           Топқа әсем әуеннің ырғағымен түстер әлемінің еркесі Еркетай кіреді.

-Сәлеметсіздер ме, балақайлар!

Мен түстер әлемінен келдім! Мен түстер әлемінің еркесімін. Менің атым-Еркетай.

Мен сендерге көптеген тапсырмалар алып келдім.

Олай болса Еркетайдың тапсырмаларын орындайық.

1 тапсырма: «Көліктерің дөңгелегін орналастыру»

Шарты: Қақпақтар арқылы дайын көліктің дөңгелегін орналастыру. Балалардың ұсақ қол маторикасын дамыту.

Сергіту сәті:

Бала бала балақан

Қане қайсы алақан

Саусақтары әйбат

Былай – былай ойнат.

-Балалар Еркетай бізге тағы бір дидактикалық ойын ала келіпті.

Шарты: Әр түсті дөңгелектерді түстеріне сәйкес ұйашықтарға орналастыру.

Еркетай: Балалар сендер сондай ақылды екенсіңдер. Тапсырмалар мен ойындарды жақсы орындадыңдар. Ал енді мен түстер әлеміне кететін уақытым болды. Сау болыңдар.

Қорытынды.Жеке жұмыс.

Хасанова Жангүл Атшыбайқызы