Туған жер-алтын бесігім

Туған жерге деген сүйіспеншілік — туған елге, Қазақстанға деген патриоттық сезімге ұласады. Нұрсұлтан Назарбаев.

Туған жерге деген сүйіспеншілік

''Туған елдей ел болмас,туған жердей жер болмас''. Шыр етіп дүниеге келген сәттен бастап, кіндік қаның таматын, еңбектеген сәтіңнен қартайған шағыңа дейін өмір сүретін атамекеніміз, алтын ұямыз біз үшін өте ыстық. Жырақ кетсең, жүрегің қан жылайтын ошақ қасың қанша бағалы болса да, оны ештеңеге айырбастамайсың.

Елдің елдігі мен баға жетпес жер үшін күрескен қазақ батырларына мың тағзым етсең де, аздық етеді. Сондықтан қасиетті де қадірлі қазақ жерін қорғау, аялап ұстау — бүгінгі жастардың басты міндеті. Әрбір қазақ баласы өз туған жерін, өзі тұратын қаланы құрметтеп, жақсы көруі керек.

Туған қаланың тарихы мен қонақжайлығы

''Басқа жердің отынан туған жердің түтіні артық'' демекші, мен де өз қаламды өте қатты жақсы көремін. Бұл жердің тарихы, мәдениеті, қонақжайлылығы мен үшін басқа қалалардан ерекше.

Сырттан келген қонақты кеудесінен итермей, керісінше, құдайы қонақ деп сыйлап, қымыз-шұбаты мен құрт-майын алдына тосып, құрметтеп жібереді. Осы бір көнерген дәстүрлерді есінен шығармай, қайта дәріптейтін Шалқар жұрты менің үлкен бір отбасым секілді. Танысын, танымасын мейлі, ашық жүзбен, жылы шыраймен амандасып өтетін қала жастарының да 1 минут бос уақыты жоқ.

Ел мақтанышы Ідіріс Үргенішбаев

Осынау қасиетті қалада туылған ел мақтаныштары да аз емес. Сондай ел мақтаныштарының бірі — Кеңес Одағының батыры Ідіріс Үргенішбаев. Ол 1912 жылы Ақтөбе облысы Шалқар ауданында дүниеге келген.

Орталық майданда ұрысқа қатысып, фашистер батальонға 22 рет қарсы шабуыл жасаған кезде Үргенішбаев жаудың 90-нан астам солдаты мен офицерін жойды. Бұл айтқаным — батыр еңбегінің жартысы ғана. Ол туралы жазатын болсам, том-томдап кітап шығаруға болады.

Отанға қызмет етуге деген сенім

Туған жер — менің баға жетпес байлығым. Отан үшін отқа да, суға да түскен қазақ жастары өсіп келеді. Келешекте қазақ елін, тілін, мәдениетін және тарихын бар әлемге танытатынымызға кәміл сенемін. Отан оттан да ыстық.

Ұқсас материалдар

• Ауылым -алтын бесігім
• Ақтөбе қаласының тарихы
• Елін сүйген, жерін сүйген кемеңгер тұлға - Н.Ә.Назарбаев