Біздің университетте дінтану кафедрасында маңызды ғылыми іс-шара өтті. Бұл конференция қазіргі заманғы ғылым мен руханияттың қиылысындағы маңызды мәселелерді талқылау алаңына айналды.
Конференция барысында қатысушылар діннің адам психологиясына әсері, рухани тәжірибенің психикалық денсаулыққа ықпалы, сондай-ақ қазіргі қоғамдағы дін мен мәдениеттің өзара әрекеттесуінің психологиялық аспектілері туралы баяндамалар жасады. Әсіресе, діннің жеке тұлғаға идентификация, құндылықтар жүйесін қалыптастыру, өмірдің қиыншылықтарын еңсеру сияқты маңызды жақтарына ерекше назар аударылды.
Іс-шараға еліміздің түрлі өңірлерінен келген ғалымдар, практикалық психологтар, дінтанушылар, сондай-ақ магистранттар мен докторанттар қатысты. Спикерлердің баяндамалары дін мен психологияның байланысын жаңа қырынан ашып, қатысушылардың терең қызығушылығын тудырды.
Іс-шара соңында қатысушылар дін мен психология салаларындағы зерттеулерді тереңдетудің маңыздылығын атап өтіп, осы бағыттағы бірлескен жобаларды жүзеге асыруға дайын екендіктерін білдірді.
Осындай конференциялар қоғамның рухани және интеллектуалдық дамуына септігін тигізіп, ғылым мен білімнің өзара әрекеттестігін арттыруға мүмкіндік береді.
Құралбай Мерей
Материал пайдалы болды ма? Бөлісіңіз
WhatsAppМақаланы телефонда ашыңыз
Автор
Мерей