Өткеніңді ұмытсаң, өшкеніңнің белгісі.Өткеніңді еске алсаң, өскеніңнің белгісі..

Аблаким Қарақат Талғатқызы

Қазақ халқының даналығында өмірдің мәні мен тағылымы терең ұғынылады.Жоғардағы сөздер осының айқын дәлелі.Бұл мақалдың мәні тереңде жатыр және ол тарихты еске алудың маңыздылығын көрсетеді.

Тарихтың адам өміріндегі маңызы қандай?

Тарих- тек соғыстар мен жеңістердің тізбегі емес, сонымен қатар ұлттың рухани жетілуінің, дамуының айнасы.

Адамзаттың тарихы әр түрлі жеңістер мен жеңілістерден тұрады. Әр халықтың өз тарихы, өз мәдениеті, өз дәстүрлері бар. Осы құндылықтарды білу және сақтау – болашақ ұрпақтың рухани байлығының кепілі. Өткенді ұмыту – тарихтан, тамырдан ажырау, рухани азғындауға апаратын жол. Өткенін ұмытқан халық өз болашағын құруда да әлсіз болады, себебі ол өткен қателіктерді қайталау қаупіне ұшырайды.

Өткенді еске алу – өсудің белгісі

Өткенді еске алу – тек тарихты ғана емес, сонымен қатар өмірлік тәжірибені, ата-бабамыздың даналығын құрметтеу. Бұл – өткен қателіктерден сабақ алып, оларды болашақта қайталамауға ұмтылу. Сондай-ақ, өткенді құрметтеу – ұлттың бірлігі мен тұтастығын нығайтады. Ұлттың рухани өсуі оның өткенін қаншалықты терең түсінуіне байланысты. Тарихтан алынған сабақтар арқылы біз болашаққа сенімді қадамдар жасай аламыз.

Қазақ халқының тарихында көптеген қиын кезеңдер болды: жоңғар шапқыншылығы, отаршылдық, репрессиялар, ашаршылық. Бірақ осының бәрін бастан өткеріп, халқымыз өзінің рухани күшін сақтап қалды. Бұл – өткенді ұмытпай, одан күш алғанымыздың көрінісі. Осылайша, ұлт ретінде өсіп, кемелдене түстік.

Қорытынды

«Өткеніңді ұмытсаң, өшкеніңнің белгісі. Өткеніңді еске алсаң, өскеніңнің белгісі» деген дана сөздің мәні тереңде жатыр. Ол бізге өткенімізді ұмытпау, одан сабақ алу және болашаққа сеніммен қараудың маңыздылығын еске салады. Тарихты құрметтеу – ұлттың рухани және мәдени өсуінің кепілі. Өткенді еске ала отырып, біз жарқын болашаққа бағыт аламыз.

Аблаким Қарақат Талғатқызы, 11 сынып оқушысы