Өсімдіктер тыныс ала ма?

Бердымуратова Бахтигул Ералиевна

Мақсаты: Балалардың өсімдіктер туралы білімдерін жүйелеу;

Білімділік: табиғи объектілерді жасандыдан ажырата білу дағдыларын бекіту;

Дамытушылық: Зейінін, байқағыштығын, салыстыру және салыстыру қабілетін, қорытынды жасау қабілетін дамыту.

Тәрбиелік: Бастаған істі аяғына дейін жеткізуге деген құштарлықты тәрбиелеуге жағдай жасау.

Материалдар мен құрал-жабдықтар: бөлме  өсімдігі, түтікшелер, вазелин, үлкейткіш әйнек, суы бар мөлдір ыдыс, ұзын жапырақ немесе сабақтағы жапырақ, ермексаз,интерактивті тақта

Үлгі сызбалар: Шартты белгілер,мнемокестелер,тірек суреттер

ҰІӘ барысы:

Күй.

Тәрбиеші: «Балалар, қонақтармен амандасайық! Бүгін бізді зертханаға шақырыпты.

Балалар, зертханаға кім шақырғанын білу үшін мамандықтарды еске түсірейікші?

Қандай мамандық иелерін білесіңдер?

Балалар: тәрбиеші, дәрігер, аспазшы, эколог

Тәрбиеші: Иә, балалар бізді эколог зертханаға шақырыпты. Зертханада жұмыс жасау үшін бізге қауіпсіздік ережелерін есімізге түсіруіміз керек.

Шартты белгілерді қолданамын

Тәрбиеші: Балалар, бүгін  зертханамызда не істейтінімізді білу үшін жұмбақтың шешімін табыңдар. (экологтың дауысы)

«Жұмбақ»

Біз онымен тыныс аламыз

Оның пішіні,түсі,дәмі жоқ

Көзге көрінбейді

Иісі де жоқ

Бұл не екен? (Ауа)

Мнемосхемамен көрсету

Балалардың назарын үстелге аудару.

Тәрбиеші:Балалар, қараңдаршы, үстелде ыдысқа салынған  сиқырлы түтікшелер бар. Балалар, ыдыстағы түтікшені үрлеңдер.

Тәрбиеші: Түтікшеге үрлегенде не болды?

Балалар: ыдыстағы қағаздар ұшты.

Тәрбиеші:Балалар, ыдыста ауаның бар екенін байқадық. Үрлегенде ауа барады.

Жақсы, балалар, ыдысты орнына қоямыз.

Тәрбиеші:Балалар, ендігі кезекте көзімізді жұмайық.

Балалар көздерін жұмады(сиқырлы музыка ойнайды).

Осы кезде эколог кіреді.Балалар көздерін ашады. Эколог балалармен амандасады. Қолындағы өсімдікке назар аударады.

Эколог:Мен сендерге гүл дайындап қойдым.Гүлге  өсу үшін не қажет деп ойлайсыңдар? Эколог балаларға проблемалық сұрақтар қояды.

Балалар тірек - суреттер арқылы гүлге не қажет екенін айтады.

Эколог:Бұл сұрақты толық білу үшін мен сендерді тәжірибе жасауға шақырамын.

Балаларды төс белгілері бойнша отырғызу.

№1тәжірибе:Өсімдіктердің тыныс алу мүшелері бар ма?

Мақсаты: Өсімдіктің қай бөліктері тыныс алуға қатысатынын анықтау.

Біз түтікше мен бір стакан су алдық.Олар түтікшені суға салып дем алды.Суда көпіршіктер пайда болды.Демек ,біз дем шығаратын ауа түтікшеден көпіршіктер түрінде суға өтті.Содан кейін түтікшені вазелинге батырады.Қайтадан түтікшеге үрлейді.Түтікшеден ауа шықпайды.

Қорытынды:Вазелин ауа өткізбейді.

Тәрбиеші:Өсімдіктен екі жапырақ кесіліп,үлкейткіш шыны арқылы кесілген жерге қарайды.Біз кесілген жерде кішкене тесіктер бар екенін көрдік.Мүмкін өсімдік осы тесіктер арқылы дем ала ма?

№1 өсімдік стакан суға қойылды,ал №2 өсімдік кесілген жер вазелинмен жағылып,стакандағы суға қойылды.Бірнеше күннен кейін олар№1өсімдіктің кесілген күніндегідей жасыл тірі екенін байқады. №2өсімдік түсін жоғалтып қурай бастады.

Қорытынды:Өсімдік сабақ арқылы тыныс алады.

                      Сергіту сәті.

№2тәжірибе: «Айналамыздағы ауа»

Мақсаты:Өсімдіктің қай бөліктері тыныс алуға қатысатынын анықтау.

Егер стақанға дем алсақ,стақанымыздың іші буланады.Бұл біз дем  шығаратын ауа.Ал,өсімдік тыныс ала ма?

Эколог:Балалар,сендер менің тапсырмамды орындадыңдар ма?Балалар  салафан қағаздың ішіндегі ыдыста өсіп тұрған гүлді алып келеді.Салафанды ашады,салафан дымқылданғанын көреді.Қағаз майлықпен салафанды сүртеді.

Қорытынды:Өсімдік жапырақ арқылы дем алады

№3тәжірибе: «Өсімдіктің тыныс алуы»

Мақсаты:Өсімдіктің барлық бөліктерімен тыныс алатынын дәлелдеу,қопсыту қажеттілігінің себебін анықтау.

Құралдар.Екі бірдей бөлме өсімдіктері алынады.

Эколог:Біз алдын ала отырғызылған,бірдей жағдайда өсірілген екі бірдей бөлме өсімдіктерін аламыз.

№1өсімдік қопсытылған

№2 өсімдік қопсытылмаған

№1өсімдік құлпырып жақсы өскен

№2өсімдік баяу өсіп тұр

Қорытынды:Өсімдік тамыр арқылы тыныс алады.

Рефлексия

Қазтамақ гүлі,тірек суреттер(ауа,күннің көзі,су,топырақ)

Құм терапиясы арқылы қорытындылау