н дыбысы Баламен жеке сабақ

Тақырыбы: «Н» дыбысы. Жеке сабақ

Мақсаты: фонематикалық есту қабілетін дамыту, «н» дыбысының артикуляциясын үйрету, дыбысты дұрыс айтуға үйрету.

Керекті құралдар: заттық суреттер, сиқырлы шары бар үрлегіш, сергіту жаттығуы (бейнеролик),  қызыл далап.

Баламен сәлем десу.

І. Шаттық шеңбері.

Көңілденіп күленіп,

Бақытты боп жүремін.

Бәрін біліп алатын,

Мен ақылды баламын.

-Жарайсың!

Логопед: -Айта қойшы, қазір жылдың қай мезгілі?

-Қандай ай?

-Аптаның қай күні?

-Бүгін нешесі?

-Қазір қандай сабақ болады?

1. Жаңа сабақ:

-Есік қағылатын сияқты, бұл кім болды екен? Бүгін бізге қонаққа қоян келіпті. Қолында ыдысы бар. Қанекей, қарап жіберейікші,
ыдысында не бар екен?
- Нан бар.
- Нанды бәріміз білеміз бе? Ол не, ол дастарханға қалай келеді?
- Ол қасиетті тағам.
- Дұрыс.
- Нанның жасалу жолдарын түсіндіріп, нан (суреттер арқылы) сөзін бірнеше рет айтқызып, қандай дыбыс естілетінін баладан сұрап, айтқызу.
- Н, н, н.
- Н дыбысы қалай айтылып тұр?
- Н дыбысы қысқа, тез айтылып тұр.
- Олай болса бұл қандай дыбыс?
- Дауыссыз дыбыс.
- Қандай түспен белгілейміз?
- Көк түспен белгілейміз
- Дұрыс. Біз бүгін дыбысымен танысамыз.
- Мына суреттерге назар аударайық.
- Нан, айна, қоян т. б сөздер
- Ендеше н дыбысы сөздің басында, ортасында, соңында кездеседі екен.
Н н дыбысының артикуляциялық қалпымен таныс болайық. Айнамен жұмыс:
- «Н» дыбысының дұрыс айтылу артикуляциясы мынадай: ерін сәл ашылып, жіңішкерген тіл ұшы жоғары көтеріледі де, үстіңгі тістің үстіне тиеді,
- тілдің алдыңғы екі шеті үстіңгі тістерге қатты жабысады. Тілдің төмен түсуінен «н» дыбысы жасалады.
- Н дыбысын айтқызу.

Тыныс алу жаттығуын орындайық.

• Қоянның алып келген ыдысында тағы не бар екен, қарайықшы. Шары бар үрлегіш екен. Бұл сиқырлы үрлегішпен қалай жұмыс жасау керектігін білеміз. Тыныс алу жаттығуын орындаймыз.
• Ол үшін мұрынмен терең тыныс алып, түтікшеге үреміз, сол кезде шарымыз жоғары көтерілуі керек. Қанекей, бірге орындайық.

Тіл ұстару жаттығулары:

-Тіл ұстарту жаттығуын орындайық. Менің айтқанымды мүдірмей қайтала.
На - на - на
Но - но – но
Ну - ну - ну
Ен - ен - ен
Ын - ын - ын
Он - он - он
Ан - ан – ан

Сергіту жаттығуы

-Балақай, аздап шаршаған шығарсың. Қазір біз сергіту жаттығуын орындап, бір сергіп алайық. Бізге көмекке компьютер керек. Бейнероликті қарап бірге орындаймыз.

Бала, бала балақан,
Кәне, қайсы алақан.
Саусақтарын әйбат,
Былай-былай ойнат.
Бір қадам алға басамыз,

Алақанмен соқ-соқ.

Бір қадам артұа басамыз,

Аяқпенен топ-топ!

-Жарайсың, балақай!

Дидактикалық ойын:

-Қоянымыздың ыдысында не бар екен. Қандай тапсырма алып келген екен, қарайық. «Н» дыбысын дұрыс айту мақсатында келесі дидактикалық тапсырманы орындап жіберейік.

-Берілген заттық суреттерге қарайық. «Н» дыбысына басталатын сөздерді бір қатарға, «н» дыбысы жоқ сөздерді бір қатарға орналастырайық.

-Жарайсың! Бұл тапсырманы да өте жақсы орындадың! Енді көзімізге арналған жаттығуымызға кезек келді. Ол үшін компьютеріміздің көмегіне жүгінеміз. Видеороликті қарап, басымызды қозғамай, көзімізбен жұмыс жасаймыз.

-Қоянымыздың тағы бір тапсырмасы бар екен. Келесі тапсырмамызда екі бөлікті суреттер берілген. Екінші жартысын тауып, құрастырып, шыққан суреттерді дұрыс айтайық.

ІІІ. Қорытынды.-Жарайсың! Бүгінгі сабаққа өте жақсы қатыстың. Қоянымыздың барлық тапсырмаларын мұқият орындадың. Қоянымыздың ыдысының түбінде тағы бір зат тығылып қалыпты. Қанекей, өзің алып көрші, бұл не екен?

-Төсбелгі. Бүгінгі жетістігің үшін төсбелгі ала келген екен. Рахметсаған, қоян! Сау бол!