"Менің балабақшам" технологиялық картасы

Ортаңғы  «Ақ ерке» тобындағы  ұйымдастырылған оқу қызметінің конспектісі

Өткізу күні: 25.09.2017

Тәрбиеші: Казбекова Б.Е

Білім беру саласы: «Әлеумет»

Пән: «Қоршаған орта»

Өтпелі тақырып: «Менің балабақшам»

Тақырыбы: «Менің балабақшам».

Мақсаты:Баланың өзі және өзінің топтағы жағдайы туралы түсініктерін кеңейту. Балабақша қызметкерлері туралы ұғымдарын кеңейту. Ересектерге көмектесуге ынталандыру.

1.Тәрбиелік-Тәрбиешінің үлгісі бойынша әңгіме құрастыру; сурет бойынша сұраттарға жауап бере алу.

2.Дамытушылық - Балалардың бір-біріне деген қамқорлығын арттыру.

3.Оқыту-сұрақ-жауап, әңгімелеу         

Педагогикалық технологиялар:ойын түрінде

Ресурстармен қамтамасыз ету: Әр балаға арналған ммазмұнды суреттер, жеке жұмыс жасау.

Билингвалдық  компонент: Балабақша-детский сад, тәрбиеші-воспитатель.

                                                Ұйымдастырылған оқу қызметінің барысы

1.Ұйымдастырушылық кезеңі:

«Ізгі сөздер»

Бақшамызға барғанда,

Жолыққан бар жандарға,

«Қайырлы таң!»- деймін мен.

Күндіз де елді елеймін:

«Қайырлы күн!»- тілеймін.

Үйге кешке келемін,

Не дерімді білемін:

«Кеш жарық!»- деп кіремін.

Балалар шеңбер бойына тұрып, өлең жолдарын айтып, өлең мазмұнына қарай қимыл-әрекет орындайды.

2.Негізгі бөлімі: Тәрбиеші ұжымдық жұмыс арқылы балаларға балабақша қызметкерлерінің еңбегімен таныстырып, оларды бағалауға, құрметтеуге үйрету мақсатында «өз үйім – менің бірінші үйім, балабақша – екінші үйім»деген тақырыпта әңгіме жүргізеді.

- Балалар балабақша дегеніміз не? -Екінші үйіміз

- Балабақшада біз не істейміз? -Ойнаймыз, оқимыз

- Ал балабақшаны біз екінші үйіміз деп айта аламыз ба?- Иә

- Бұл үлкен үйімізде бізге кім қамқорлық көрсетеді, аялайды? -Апайлар

- Балабақшада сендер үшін қаншама адам жұмыс істейді?

- Қане, олар кімдер және не істейді екен?-апай, аспазшы,  дәрігер, т.б.

Жүректен жүрекке шеңбері. Алдын ала берілген өлеңді жатқа айту.

Жүректен жүрекке шеңбері.

Жақсылыққа құмармыз,

Жақсы адам боп шығармыз.

Бізді жақтап отырған,

Сендерге де мың алғыс!

Балабақша туралы әңгімелеу.

Тазалықшы – екінші үйімізде өз үйіміздей жылы, таза болсын деп бөлмемізді жуып, тазалайды.

Аспазшы - біз үшін дәмді тамақ әзірлейді.

Дәрігер – сендердің дендеріңнің сау болуын қадағалайды.

Кір жуушы – біздің сүлгілерімізді жуып береді.

Тәрбиеші апайлар – сендер жақсы адам болып өсулерің үшін бәрін үйретеді.

Тәрбиеші: Ал осымен сабағымыз аяқталды.

Сау болыңыздар!

Сау болыңыз!

3.Қорытынды:Тәрбиеші балалардан бүгінгі жиыннан алған әсерлерін, көңіл күйлерін, немен айналысқандарын, не үйренгендерін сұрайды. Балалар немен айналысқандары, не білгендері, не үйренгендері жайлы әңгімелеп айтады.