«Менің альбомым» (қағаздан)

Искакова Фарида

Мақсаты: Қағазды қатпарлап бөлуге, қағаздан құрастыру әдістерін қолданып көлемді формадағы жазық материалды өзгерту іскерліктерін бекіту. Альбомды әдемілеп, ұқыпты жасауға, өз орындарын таза ұстап, жұмыстан кейін жинап қоюға дағдыландыру.

Керекті құралдар: Түрлі-түсті қағаздар, қайшы, желім, сүлгі, үлгі

ойыншықтар, трафареттер мен шаблондар,

әліппе дәптер.

Әдіс-тәсілдер: Қағазбен жұмыс жасау жолдарын түсіндіру. Қию,

желімдеу іскерліктеріне машықтандыру, қайшымен

жұмыс жасауда қауіпсіздік ережелерін мұқият сақтау.

Алдын ала жүргізілетін жұмыстар: Білетін тақпақ, өлең, әндерін қайталау,

бос уақыттарында әр түрлі ойыншықтар жасап үйрену.
Қостілділік: альбом-суретқап, бумага-қағаз

Іс-әрекет кезеңдері
Мотивациялық қозғаушы
Шаттық шеңбері

Қуанасың сен де,

Қуанамын мен де.

Қуанайық достарым,

Арайлап атқан күнге.

Балалардың барлығы біркелкі көңілді түрде шаттық шеңберін орындайды.

Ғажайып сәт:

-Балалар бүгін бізге қонаққа

Айша атты қуыршақ қонаққа келіпті.

-Балалар Айша қуыршақты көріп қуанды.

-Ол өзімен бірге альбомында ала келіпті.

-Қанекей, бірге көрелік.

-Олай болса бізде өзіміздің суреттерімізді салатын альбом жасасақ қалай

қарайсыңдар?

Іздену -ұйымдастырушылық

Өздерінің суреттерін көрсетіп тағыда басқа бірнеше әдемі суреттермен бірге әліппе-дәптердегі суретке зер салып, оларды қалай жасайтындықтарын түсіндіреді.

Балалар әдемі суретке зер салып қарайды.

-Қанекей балалар әрқайсыларыңның алдында жұмысқа керекті құрал-жабдықтар бар.

-Бәріміз бірге отырып жасайық.

Тәрбиеші: Әр баланы жеке бақылайды. (түрлі-түсті қағазды, қалаған үлгідегі трафарет, шаблондарды таңдау, трафарет бойынша үлгі сызу, қию, желімдеу т.б)

Қажетті материалдармен үлгі бойынша, тәрбиешінің қадағалауымен жұмыс жасайды.

-Қабаттап немесе қатарластыра бүктеуге қиналған балаларға көмектеседі.

-Қағаз түстерінің үйлесімді болуын қадағалайды.

-Өз жасаған альбомдарын әңгімелеу.

Сергіту сәті:

Ағаштар шайқалып,

Желменен биледі.

Шыбықтар сыбдырлап,

Жәйменен иілді

Басылса жел енді,

Тыныштық енеді.

Сергіту сәтінде бірдей көңілді орындады.

Мақтау, марапаттау.

-Жұмыс аяқталған соң әр жұмысты әсемдігіне, түс үйлесімділігіне қарай мадақтайды, дайын альбомдарын тақтаға іліп балаларға еңбектері үшін алғысын айту.

Балалар жасаған альбомдарын бір-біріне көрсетіп қуанды.

-Өз альбомдарын аналарына көрсететіндерін айтып қуанды.
Күтілетін нәтиже:
Біледі: қағаздармен ұқыпты жұмыс жасауды.

Игереді: қағазбен жұмыс жасай отырып, қағазды қатпарлап бөлуді.

Меңгереді: қағаздан альбомды жасай алуды және оны өздері әшекейлеуді.