Махамбет батырдың әкесі Өтемістің хан Жәңгірден жер сұрауы
Тарихи аңыздар · 1 мин оқу
Өтеміс ханның ордасына барып отырғаннан кейін, хан Өтеміске әңгімелеріңді айта отыр депті, сонда Өтеміс ханға былай деп айтқан көрінеді:
—Аспаннан Құдай жаңбыр бермейді,
Жерден Жәңгір бермейді.
Қатқылды қойыс бермейді,
Жайықты орыс бермейді.
Ірге құмды тана бермейді,
Қаратоғай және бермейді.
Сонда Жәңгір тұрып:
—Жер сұрай келіп пе едің, қай жерді алғың келеді?—депті. Өтеміс өзінің сұрауы бойынша Шолан тауын алыпты.