Бар мейріміміз балаларға

Қараторғай орта мектебі

1 – маусым
Халықаралық балаларды қорғау күні

Мерекелік іс — шара

Мақсаты:
Білімдік-танымдық: Балалардың білімдік дағдысын қалыптастыра отырып, адамгершілік бағытын жетілдіру арқылы сөйлеу тілін дамыту, адамгершілік қасиеттерін шыңдау. Әр ортада өздерінің жан-жақтылығын жетілдіру, таныту, толеранттылыққа баулу. Балалардың бойына рухани адамгершілік қасиеттерді ұялату үшін мейірбан, ақылды, шыншыл, қайырымды т.б адамдық асыл қасиеттерді игеруге ықпал ету. Бірін-бірі сыйлап, мейіріммен қарауға тәрбиелеу.
Тәрбиелігі: Жасөспірімдердің ой-санасын оята отырып, өзін-өзі тануға және бағалауға, адамгершілікке, бауырмалдыққа тәрбиелеу.
Дамытушылық: Балалардың логикалық ойлау қабілеттерін дамыту, рухани дүниесін жетілдіру.

Міндеті:
1. Бәсекеге қабілетті дені сау, жан-жақты, білімді, сауаттылығы жетілген тұлға даярлау.
2. Балалардың өз ойларын ортаға салып, ашып айта біліуге дағдыландыру.

Көңілді музыка әуені ойналады
1-жүргізуші: Армысыңдар балалар, бармысыңдар,
Жаз да келді, жайнаған гүлді шыңдар
Алдыменен алайық амандасып,
Армысыңдар бәрің де, армысыңдар!

2-жүргізуші: Құрметті балалар! Бүгінгі 1 маусым әлем балаларын қорғау күні мерекесімен құттықтаймыз!

1-жүргізуші: Балалар, сендерге арналады,
Бүгінгі мерекенің салтанаты.

2-жүргізуші: Балалар, сендерге сыйланады,
Өмірдің ең керемет мархабаты.

1-2-жүргізуші: Мектебымызде бүгін ұзақ ойнайық,
Балаларды қорғау күнін тойлайық!
Құтты болсын, құтты болсын мереке,
Ашық аспан астында той тойлайық балалар!

1-жүргізуші: Бүгінгі мерекеге арналған құттықтау сөз кезегін мектеп басшысы Жұрсын Ұлысбайқызына беріледы.

2-жүргізуші: Гүлмен келсін келер күн,
Бала бағы бар елдің.
Балалардың күлкісі,-
Көркі, сәні әлемнің!

1-жүргізуші: Біз сүйеміз бейбіт күнді,
Бейбіт күнде туғанбыз.
Біздің өмір күндей нұрлы,
Бақыт құшақ ұланбыз.
Ән: «Әрқашан күн сөнбесін!»
«Пусть всегда будет солнце» /хор 2 тілде/

2-жүргізуші: Біз бақытты баламыз,
Әсемдеп сурет саламыз.
Қорғайды бізді күлкі әлем
Әлпештеп ата-анамыз.

Балалар «Бейбітшілік әлемі» тақырыбында сурет салады

1-топ:Біз бақытты баламыз,
Үлкеннің тілін аламыз.
Үлкендерден үйреніп,
Үлгі-өнеге аламыз.

2-топ:Біз бақытты баламыз,
Жақсылыққа, бақытқа,
Талпынған әр уақытта.
Тату-тәтті достармыз.

1-жүргізуші:Бүгінгі мейрам, шаттанатын ел шағы,
Әуелетіп бейбітшілік салшы әнін.
Бүкіл бала достық биін билейік
Қол ұстасып, қоршап алып жер шарын.

1-оқушы: Балалар бақшасында бүгін той!
Балаларды қорғау күні біліп қой
Алақай-ау,алақай
Той тойлайық,балақай
Қызырғанша алақан
Кел,соғайық балақай.

2-оқушы: Бейбітшілік әніміз
өнерліміз бәріміз
Қазақстан даласында
Жарасады сәніміз
Балабақша аясында
Жадырайды жанымыз

3-оқушы: Бізбен бірге бар әлем
Қуанады балаша
Қуанышқа бөленген
өмір қандай тамаша

4-оқушы: Гүлмен келсін келер күн
Бала-бағы бар елдің
Балалардың күлкісі
Көркі, сәні әлемнің.

5-оқушы: Басты қоссақ бәріміз
Біздер елдің сәніміз
Шаттық, бақыт, қуаныш
Елімізге сыйлаймыз.

Ән: «Лагерь жыры» /хор/

1-жүргізуші:Денсаулық ол – күлуің,
Көңіл күйің жадырай.
Денсаулық ол жүруің,
Ешбір жерің ауырмай.

«Спорт- денсаулық кепілі» тақырыбында балалар спорттық ойындарға қатысады

Балалар сыйлықтар мен марапаттау қағаздарымен марапатталады

2-жүргізуші:Баршамызды бала тілмен баурайтын,
Бала деген бір бақыт қой самғайтын
Ата — ананың арманы мен тілегін,
Бала емес пе бал бұлақтан жалғайтын

1-жүргізуші:Сүйкімді періштелер сендерсің
Қандай бейне өздеріңе тең келсін!
Данышпан да, ғарышкер де, ғалым да,
Ең алдымен балалықты меңгерсін.

«Көңілді күн» разминка

Вам может также понравиться...

Добавить комментарий

Ваш адрес email не будет опубликован. Обязательные поля помечены *