Білімнің бастауы — Балабақшада
Білімнің бастауы — Балабақшада
«Аружан-2015» балабақшасы
Әдіскер Рымбай Ақнұр Ерқанатқызы
Балабақшада берілген тәрбие- барлық тәрбиенің бастамасы әрі жан-жақты тәрбиемен дамыту ісінің түпкі негізін қалайтын орын. Қазіргі таңда үздіксіз білім беру еліміздің ертеңі өсіп келе жатқан жас ұрпақтың білімінің тереңдігімен өлшенеді. Білімді, жан-жақты қабілетті ұрпақ- ұлтымыздың баға жетпес қазынасы. Білім беру балабақша табалдырығынан басталады десек ешқашан қателеспейміз. Мектепке дейінгі мекемелерде тәрбие мен білім саласында заманауи педагогикалық технологиялар ұғымы кеңінен қолданылатын ұғымның біріне айналды. Ендеше, мектепке дейінгі білім беру саласының басты міндеттерінің бірі- өскелең ұрпақты оқыту мен тәрбие беру мекемелерінде балалардың жеке басының қалыптасуы мен дамуына педагогтардың заманауи инновациялық технологияларды қолдана білу сауаттылығына да байланысты.
Тіәрбие мен білім-егіз. Мектеп жасына дейінгі балалардың дамыту мәселесі мемлекеттік саясаттың ажырамас бөлігі болып отыр. егемен еліміздің талабына сай мектепке дейінгі тәрбие мен білім беру, қазіргі заманға сай білімді ұрпақ тәрбиелеу — тәрбиешілердің еншісінде. Заман өзгерген сайын- әдіс- тәсілдер көбейіп, жаңарып, толығып жатыр. Балалардың тілін дамытуды, қызықты білім үйрету үшін әдістер мен технологияларды өз тәжірибемізде қолдануға ізденеміз. Жаңа технологияны, әдіс-тәсілдерді тиімді қолдану үздіксіз тәрбие беру ,білім сапасын арттырады. Қазақ халқы қай уақытта болмасын ұрпақ тәрбиесін ұлттың тағдыры, ұлттың болашағы деп білген.
Қазіргі таңда мектепке дейінгібілім беру мекемелерінде тәрбиешілердің ұстанымы аусықан: ол балаларға басшы емес, білім беру қызметінің тең қатысушысы. Мұндай оқыту баланың интелектуалды қабілеттілігін айтарлықтай шамада анықтайды, балаларға мінезін қалыптастыруға, байланыс тілді, логикалық ойлауды қалыптастыруға және жеке мүмкіндіктерді беретін дамытушы орта құруға мүмкіндік береді .
Мектепке дейінгі шақ адам өміріндегі ең маіызды кезең болып келеді. Өйткені осы кезде баланың бойындағы табиғи бар дарындылық жан-жақты дами бастайды. Сондықтан осы шақта балалармен анағұрлым жан-жақты дамытушылық әрекеттер жүйелі жүргізілсе, жұмыс соншалықты нәтижелі болады. Тәрбиелі, білімді ұрпақ балабақшдан мектепке дайын шәкірт болады.
Балабақша — барлық тәрбие мен білімнің ең алғашқы баспалдағы іспеттес. Бала-болашағымыз, бала- қуанышымыз. Ендеше мектепке дейінгі үздіксіз тәрбиемен, біліммен қамту өзімнің басты мақсаттарымның бірі екенін мақтанышпен айта аламын.
