Қырғызстан МҰҚК Қазақстанмен шекарада кәсіпкерлерден ақша бопсалаған ұйымдасқан қылмыстық топ мүшелерінің жақын туыстарын ұстады.
Ведомство мәліметінше, Қырғызстан мен Қазақстан шекарасындағы бақылау-өткізу бекетінде трансұлттық қылмыстық топ Қырғызстанда жұмыс істейтін жеке кәсіпкерлерден ақша бопсалау және өндіру үшін тұрақты қылмыстық схема ұйымдастырған.
Қылмыстық схемаға қатысы бар жоғары лауазымды тұлғаларды анықтау бойынша жедел-іздестіру шаралары жалғасып жатыр.
«Қазір Қырғызстан Республикасы Қылмыстық кодексінің 231-бабы «Экономикалық контрабанда» бойынша қылмыстық іс қозғалып, Қырғызстан азаматтары М.О.Р. мен С.У.Т. ұсталды», — делінген хабарламада.
Еске сала кетейік, Камчы Колбаев жойылғаннан кейін соңғы бірнеше күнде Қырғызстанда оның ұйымдасқан қылмыстық тобының мүшелерін тұтқындау шаралары жалғасып жатыр.
