Ортағасырдағы университеттер, Болонья университеттң

Ортағасырдағы университеттер – еуропалық білім беру жүйесінің негізін қалаған маңызды мекемелер. Олар XII-XIII ғасырларда пайда болып, ортағасырлық Еуропадағы білім мен ғылымның дамуына үлкен ықпал етті.

Алғашқы университеттердің қатарына Болонья университеті жатады.Болонья университеті – тарих тереңінен сыр шертетін, әлемдегі ең көне жоғары оқу орны. 1088 жылы құрылған бұл білім ордасы ғасырлар бойы білім мен ғылымның орталығы болып келеді. Оның қабырғасында түрлі замандардың ұлы ғалымдары мен ойшылдары жұмыс істеп, адамзат өркениетіне баға жетпес үлес қосқан.

Болонья университеті тек білім беру орны емес, ол – интеллектуалдық еркіндік пен жаңашылдықтың символы. Ортағасырлық Еуропада бұл университеттің негізінде қазіргі жоғары оқу жүйесінің бастауы қаланды. Студенттер мен профессорлар арасындағы тығыз қарым-қатынас, пікір алмасу, академиялық еркіндік дәстүрі осы жерден бастау алады.

Университет қабырғаларында латын тілінен бастап, заң, медицина, философия, және өнер секілді ғылымдардың сан алуан салалары дамыды. Еуропаның түкпір-түкпірінен жиналған жастар Болоньяның тар көшелерімен жүріп, үлкен лекция залдарында өз білімдерін шыңдады. Сол замандағы ең үздік ойшылдар осында білім алып, жаңалық ашып, өз шәкірттерін тәрбиеледі.

Болонья университетінің тағы бір ерекшелігі – оның гуманизм идеяларын насихаттауы. Орта ғасырларда бұл жер адамзаттың табиғи құқықтары мен жеке еркіндігі туралы идеяларды алға тартты. Бұл құндылықтар әлі күнге дейін университеттің негізгі ұстанымдары ретінде сақталып келеді.

Бүгінгі таңда Болонья университеті тек Италияның ғана емес, бүкіл әлемнің ғылыми-мәдени орталығы болып табылады. Оның есімімен аталған “Болонья процесі” қазіргі жоғары білімнің халықаралық стандарттарын қалыптастыруға ықпал етті. Бұл университет – білімге құштарлықтың, жаңа идеяларды қолдаудың, және адамзат болашағы үшін қызмет етудің мәңгілік символы.

Болонья университеті – тек оқу орны емес, ол – тарихтың, мәдениеттің, және ғылымның тоғысқан қасиетті мекені.Ортағасырдағы университеттер қазіргі заманғы білім беру жүйесінің негізін қалады. Олар тек ғылыми білімді таратып қана қоймай, мәдениет пен өркениеттің дамуына да үлкен әсер етті.

Эссе тапсырушы: Сатыбалды Ақнұр
Қабылдаған: Аликбаева Маржан Башановна