Аласарып Ай батқан

Аласарып Ай батқан

Аласарып Ай батқан,
Ай батқанда, аймаққа,
Жұлдыз шоғын жайнатқан.
Аумайды бір құс жолы,
Ақтарылған қаймақтан.
Көкжиекте таулардың,
Көтерілсе түңлігі,
Баурайдың да, бар маңның
Көрінеді кіндігі.
Бастарында Мұзарттың,
Ағараңдар сәлдесі.
Түнгі сапар ұзақ тым,
Бір құдайдың әуресі.
Көзіңе ұйқы байланып,
Қалғытады бір демде.
Түні бойы айналып,
Жүргендейсің бір жерде.
«Шәйі орамал бір байлап…»
Шыдамадым, өн салдым.
Жұлдызды аспан тұр жайнап,
Кеудесіндей маршалдың.
Мұқағали Мақатаев

Читайте также:

Добавить комментарий

Ваш адрес email не будет опубликован. Обязательные поля помечены *