Абай Құнанбаев «Масғұт» поэмасы

Оқу сабағының жоспары

Көркем шығарманың идеясын адамгершілік құндылық тұрғысынан талдап, жаңашылдығына баға беріп, әдеби эссе жазады;

жоспарланған кезеңдері

Топқа бөлу

Қызығушылықты ояту кезеңі

Сабақтың тақырыбын суреттер арқылы болжайды.Ойларын ортаға салады.

·         Сабақтың тақырыбы мен мақсаты анықталады.

Кескіндер (ақ, сары, қызыл жеміс) арқылы оқушылар топқа бөлінеді

1-тапсырма. Мағынаны тану кезеңі   

Берілген сұрақтарды мұқият оқиды, топтағы оқушылар ақылдаса отырып, жауап береді (әр топқа екі сұрақтан беруге де болады).

1-топ

1.      Абай Құнанбаевтың шығармашлығымен таныссыз ба?

2.      Сіздің ойыңызша, Абай оқырмандарына қандай шығармалар ұсынды? Неліктен?

2-топ

3.      «Абай Құнанбаев – қазақ әдебиетінің жаңа кезеңінің негізін қалаушы» деген тұжырыммен келісесіз бе?

4.      Абайдың қандай поэмаларын білесіз?

3-топ

5.      Абай поэмаларындағы Ескендір, Масғұт, Әзім қандай кейіпкерлер?

6.      Абай шығармаларының ұрпақ үшін құндылығы неде деп ойлайсыз?

4-топ

7.      Абай поэмаларының қайсысы көңіліңізге жақын? Неліктен?

8.      Абай поэмаларының  ұқсастығы неде?

Жеке жұмыс

2-тапсырма. Оқушыларға «Масғұт» поэмасын көз жүгірте оқып шығу тапсырылады (Мұғалім шығарманы алдын ала оқуға бергені абзал). Оқи отырып, поэмадағы басты кейіпкерлерді анықтайды. Кейіпкерлер тізімін жасайды.

Мысалы:

Дескриптор:

–«Масғұт» поэмасын көз жүгірте оқып шығады;

– Поэмадағы басты кейіпкерлерді анықтайды;

– Кейіпкерлер тізімін жасайды;

– Кейіпкерлерге мінездеме береді;

Бағалау. «Екі жұлдыз, бір ұсыныс»

Жұптық  жұмыс

3-тапсырма. Драманың басты кейіпкерлері Масғұт пен Қыдыр бабаға жеке тоқталып,  іс-әрекеттерін даралайды.

Дескриптор:

·         шығармадағы кейіпкерлерді анықтайды;

·         көркем шығармадағы кейіпкерлер жүйесін жинақтайды;

·         жекелеген кейіпкерлер іс-әрекетін даралайды.

Бағалау. «Табыс баспалдағы»

( 5 минут)

Оқушылар сабақты бекіту мақсатында берілген кестені толтырады.