жаңа технология-қашықтықтан оқыту жүйесі
Маңғыстау ауданы, Шетпе селосы
А.Меңдалыұлы атындағы орта мектептің
бастауыш сынып мұғалімі
Есенғазиева Манура Таласбаевнаның
«Жаңа технология – қашықтан оқыту жүйесі» атты мақаламды ұсынамын.
Қашықтан оқыту – компьютерлік және телекоммуникациялық технологияларға негізделген оқытудың құралдары мен түрлері, білім беруде қызмет көрсетудің маркетингтік көзқарастарын кеңінен қолданатын ғылыми-жоғары технологиялық өнім.
Бүгінгі таңда қашықтықтан оқыту компьютерлік және интернетте оқыту технологиялары ретінде саналып отыр. Заманауи технологиялар мыңдаған километр бөліп турған шәкірт пен оқытушы арасын байланыстырушы болып табылады. Оқыту корпоративтік желіде, Интернет желісінде, электрондық пошта арқылы және басқа заманауи байланыс құралдарын пайдалану арқылы жүргізіледі.
Қашықтан оқыту жүйесі дербес компьютер (ДК) көмегімен және интернетке шығу арқылы қажетті дағдылар мен жаңа білім алуға мүмкіндік береді. Компьютердің орналасқан жері маңызды емес, сондықтан сіз үйде, жұмыс орнында, онлайн-кафеде немесе Интернет байланысы бар және жоқ жерде кез-келген басқа жерде айланысы аласыз. Бұл дәстүрлі оқу формалары алдында Қашықтан оқытудың басты артықшылығы.
Қашықтан оқыту өте икемді жүйе, ол барлық оқу үрдісіне қатысушыларға (оқу орнының әкімшілігі мен оқытушыларына, оқушыларға) сабақты қолайлы уақытта таңдауға мүмкіндік береді. Бұл қашықтан оқытуның пайдасының екінші маңызды дәлелі .
Интернет желісіне қосылу мүмкіндігі бар (тіпті өте жиі емес) компьютермен кез-келген уақытта және кез келген жерде оқуға мүмкіндік береді. Бұл, әсіресе, жұмыс істейтін немесе үй шаруасымен айналысатын студенттер үшін өте маңызды, сондай-ақ денсаулығына байланысты өз үйінен шықпайтын адамдарға білім алуға мүмкіндік береді.
Оқушы оқу барысында үнемі оқытушымен кеңесуіне мүмкіндік береді.
Қашықтан оқытуда оқу-әдістемелік материалдар мен оқу құралдарын табу және алу мәселесі жойылды. Білім алушы оқуға қабылдағаннан бастап қажетті оқу материалдарының жиынтығына қол жеткізі алады.
Қашықтықтан оқытуға келетін болсақ, біз оны онлайн-оқытумен шатастырмауымыз керек. Қашықтық форматының ұғымы әлдеқайда ауқымды және бірден бірнеше әдістерді пайдалануға мүмкіндік береді. Әртүрлі платформалар арасында бәсекелестік бар екенін байқап отырмыз, осал тұстары да анықталып жатыр. Бірақ мұндай көрсеткіш тек қызмет көрсету сапасына және қолжетімділігіне әсер ететініне сенімдіміз.
Қарқынды жұмыс жүргізілуде. Кейде әртүрлі тәсілдер мен шешімдерді қабылдауды қажет етеді. Сондай-ақ, 6 сәуірден бастап оқушыларды жаңа форматта сабақ алуға бейімдеуге тиіспіз. Оқушылармен, ата-аналармен және педагогтермен бірігіп қашықтан оқытудың сапалы жүйесін құра алатындығымызға сенімдімін.Ең бастысы, біз әрдайым кері байланысты, ұсыныстар мен тың идеяларды қуана қабылдауға дайынбыз.”Қашықтан оқыту айтарлықтай оңай, әрі жеңіл ме?”, “Білім беру ұйымдары 100% қашықтықтан оқыту форматына көше ала ма?” деген сынды сауалдар жиі қойылуда. Әлбетте, бәрі айтарлықтай оңай емес. Орта білім беру жүйесіне қатысты үлкен жұмыс атқарылуда, қазірдің өзінде нәтиже бар деп айтуға болады. Біз қашықтан білім беру саласында жұмыс істейтін “Bilimland”, “Daryn.online”, “Күнделік” сынды ұйымдар енді.
Біз бүгінгі таңда осы көмекші ұйымдардың нұсқаулығын басшылыққа ала отырып оқушыға білім берудеміз, ол біздің ұрпағымызды болашақта ізденімпаз, білімді өз бетімен жұмыс жасауға бейімдеп үйретері сөзсіз. Дегенмен сабақ өтуімізге, оқушылардың білім алуына, ұстаздардың өзара тәжірибе алмасуға ештеңе де кедергі бола алмайды. Өйткені ойымыз бір, мақсатымыз бір, арманымыз ортақ! Біз біргеміз!
